Rammi hf. rekur í Þorlákshöfn fiskiðjuver þar sem framleiddar eru afurðir fyrir kröfuharða markaði í Evrópu, Asíu og Bandaríkjunum.
Frá aprílbyrjun og fram í lok september er megináherslan lögð á humarvinnslu og er mest af humrinum pakkað heilum og hann frystur.
Yfir vetrartímann byggist vinnslan að mestu leyti á vinnslu á langlúru, karfa og skrápflúru.
Kolategundir eru bæði flakaðar og heilfrystar fyrir fyrrgreinda markaði en karfinn er flakaður fyrir Evrópumarkað og seldur ferskur eða frystur, lausfrystur eða millilagður og blokkfrystur.

Á Siglufirði rekum við nýja og fullkomna rækjuvinnslu þar sem pilluð er fersk rækja (einfryst).

Í verksmiðjum okkar er lögð mikil áhersla á vöruvöndun og hreinlæti. Gott skráningarkerfi tryggir rekjanleika vörunnar frá veiðum til viðskiptavinar.